وجه الدقاق محمد، والد شاب من ذوي الإحتياجات الخاصة ومصاب بالسرطان، ندائه للمحسنين من أجل مساعدته على إجراء عملية جراحية لإبنه على مستوى الركبة.
وقال المتحدث ذاته، في تصريح لـ”فبراير”، بأنه قام بجميع الفحوصات اللازمة لإجراء العملية، غير أن تكاليف العملية حالت دون تمكنه من إجرائها.
وأضاف المتحدث نفسه، “تكاليف العملية كانت بـ9000 درهم، غير شي وجوه دخلو وخلاوها لينا بـ3000 درهم، ومن بعد العملية قالو لي خاصك تدي التحاليل وتخلص عليهم مابين 700 و800 درهم باش يمكن يشخصو المرض لي فيه”.
واسترسل في القول، “أنا كنخدم فالمرسى، ولكن من بعد العيد الكبير الخدمة قلالت والمرا لي معاونة معايا كتخدم فالحمام مرة مرة حيث كتعاني من الربو، وأنا عندي 5 الوليدات وهاد الدري لي مريض هو الكبير فيهم”.
وبخصوص ارتفاع مصاريف المعيشة وعلاج الإبن قال الأب خلال حديثه مع “فبراير”، أن التكاليف مرتفع، بحيث خصص مصاريف المعيشة التي يتوفر عليها من أجل إجراء الفحوصات اللازمة لإبنه المصاب بالسرطان.
وأضاف قائلا: “الدري فصحتو عيان كتقيسو كايطيح، حيت أصلا هو من ذوي الإحتياجات الخاصة، وحتى فالدراسة متأخر شوية، وعندو شلل نصفي ففمو”.
ووجه ندائه للمحسنين قائلا: “حنا هاد الدري غلبنا وتقهرنا ماعرفناش شنو نديرو ليه، ومعندناش شي حاجة لي نبيعوها باش نديرو العملية، كنطلب من المحسنين لي قدرو الله يتعاون معانا ومع هاد الدري”.
