عبر الإعلامي رضوان الرمضاني، عن موقفه من الحملة التي اكتسحت معظم الصفحات الفايسبوكية، والتي تستهدف فوزي لقجع رئيس الجامعة الملكية لكرة القدم.
بحيث شنت مجموعة من الجماهير المحسوبة على فريق الرجاء، حملة ضد رئيس الجامعة، عبر مواقع التواصل الاجتماعي، مطالبين بإقالته من منصبه.
وفي هذا الصدد، كتب رضوان الرمضاني، عبر تدوينته بالفايسبوك : “تجي فهاد المرحلة اللي كلشي عارف آش واقع فيها وتدير حملة على فوزي لقجع، وتعطي كاضو للناس اللي كيحاربونا، فسمح لي نقوليك هاد الشي سميّتو التخربيق، وسميّتو السريح…”.
وأضاف الرمضاني : “وسمح لي، عاوتاني، نقوليك فهاد الشي انت ماشي سارح وإنما مسروح… لنفرض، گاااااع، فرقتك مظلومة نِّييييت، ففرقتك ماشي أهم من اليلاد… إلا يلا كنتي لاعب كأس العالم ديال الأنانية وكتشوف غير حدا نيفك… شوية ديال الرزانة مزيانة… والمغرب أهم من أي فرقة، ويلا ما تعطيو پينالتيّات للبرّاني، مستواكم أكبر من هذا… وفرقتكم أكبر من لقجع…هادي طريق غالطة… غير البرّاني كياكل الثومة بفمكم… ترضاو بهاد الشي؟”.
كما أردف الرمضاني، في تدوينة أخرى، أن المكتب المسير لفريق الرجاء البيضاوي “ملزم” بتوضيح موقفه من هذه الحملة، قائلا : المكتب المسير ديال الرجا خاصُّو يدير حاجة من جوج: 1. يخرج يقول، بوضووووووح، أنه متفق مع الحملة ويقدّم للرأي العام ما يُفيد… 2. يخرج يقول، بوضوووووح، أنه ضد الحملة وأن ما يُقال على لقجع ما منُّوش.. من غير هاد جوج مواقف، وفالحالتين غيكون موقف شُجاع يستحق الاحترام، المكتب المسير، بهاد السكات، كيبيّن راسو ضعيف وما يقدرش يخسّر الخاطر للجمهور… مع العلم، بزاف ديال الناس اللي كيزغرتو ملِّي لقجع كيجاوبهم فالتيليفون دابا تكمّشوا وكيتفرّجوا وما يقدروش يقولوا فالعلن داك الشي اللي كيقولوه فالجلسات الخاصة…”.
تقرؤون أيضا :
http://”كلنا لقجع”.. الفيسبوك المغربي يستنكر استهداف رئيس الجامعة
