بخشوع وحزن ربيع الخليع يودع والده في طنجة: اللهم ارحمه بالقرآن ولا تعذبه

أبو حفص: اللهم ان هذا منكر كيف يعقل أن تحرم الأم فاتي جمالي من جواز سفر ابنها!

الرئيسية / أقلام الحقيقة / أبو حفص: اللهم ان هذا منكر كيف يعقل أن تحرم الأم فاتي جمالي من جواز سفر ابنها!

أبو حفص: اللهم ان هذا منكر كيف يعقل أن تحرم الأم فاتي جمالي من جواز سفر ابنها!

أقلام الحقيقة
فبراير.كوم 08 يونيو 2022 - 10:40
A+ / A-

فاتي جمالي عارضة الأزياء والممثلة والمغنية كتبات تدوينة بمناسبة عيد الأم لي مبقيتش عرفتو وقتاش، كل شويا يقولو لينا عيد الأم، تتقول أنها مباغا احتفال بعيد الأم، باغا حقوق الأم، لأنها هي امرأة مطلقة، وعايشا ولدها تحت حضانتها، هيا لي تتصرف عليه هيا لي قايما بيه من كل النواحي، إلا أنها فاش بغات تصاوب ليه بطاقة التعريف وجواز السفر طلبو ليها موافقة الأب لي ما عندو أي دور ف حياة ولدو حسب كلامها، واستنكرات بشدة هاد الأمر.

فاتي جمالي ذكرات من بعد أن مستشارة وزير العدل اتصلات بيها وأخبرتها أن الوزارة بصدد دراسة الموضوع ووعداتها بتغييرات قريبة حسب قولها.

من جهتي أؤيد صرخة هاد الأم واستنكارها لي منطقي، وما عندو أي معنى، كيف يعقل أن امرأة عاقلة راشدة حاضنة لابنها قائمة عليه بكل ما يلزمه باش تخرج ليه وثيقة إدارية ممسموحش ليها إلا بإجراءات معقدة، ومسموح للأب أنو يقوم بنفس العملية ولو لم يكن حاضن؟

ما معنى أن الأب عندو الحق يستخرج جواز سفر لولدو وعندو الحق يسافر بيه فيما أن المرأة لي حاضنة ومربية معندهاش الحق تسافر بولدها للخارج ولو لقضاء عطلة ديال ثلاثة أيام ف الخارج، هاد القانون الظالم فتح أبواب حتى للابتزاز ، أعرف نساء جاتهم فرصة سفر للخارج وتحسين حتى ظروف ولادهم فعطاو مبالغ مالية مهمة للزوج باش يكتب ليهم الموافقة على السفر
بالمحضون…
علاش كاين خوف من أن المرأة تهرب بالأبناء فيما ماشي مشكل لو أن الأب هوا لي هرب بيهم؟ هادي هيا المساواة؟ هادي هي المناصفة؟ ..

أتمنى أن وزارة العدل لي استاجبات مشكورة لنداء هاد الأم، تستجيب لكل الأمهات الحاضنات بالمغرب، ونحققو تقدم آخر ف هاد الباب، ونقطعو معا هاد القوانين المتخلفة لي لا تنسجم إطلاقا مع واقع المرأة ببلادنا اليوم وكل ما حققاتو من تطور معرفي وحقوقي

السمات ذات صلة

مواقيت الصلاة

الفجرالشروقالظهر
العصرالمغربالعشاء

أحوال الطقس

رطوبة :-
ريح :-
-
18°
20°
الأيام القادمة
الإثنين23 - 18
الثلاثاء23 - 17
الأربعاء25 - 16
الخميس23 - 17
الجمعة22 - 17