في أجواء حماسية تسودها روح الجدية والعزيمة، عبر عدد من لاعبي المنتخب المغربي المحلي لكرة القدم عن ثقتهم وتفاؤلهم قبيل المشاركة في بطولة الأمم الأفريقية للاعبين المحليين (الشان) التي ستحتضنها كينيا، مؤكدين عزمهم على إحراز اللقب الثالث وتشريف الراية الوطنية.
أكد اللاعب مروان الوداني أن أجواء المعسكر التحضيري تتسم بالانسجام والحماس، قائلاً: “الحمد لله، اللاعبين في الأغلبية نعرفهم، كاين اللي لعبوا معايا وكاين اللي لعبت ضدهم، لكن المجموعة منسجمة والحمد لله”. وأضاف: “دابا كنخدموا مع السي طارق، وإن شاء الله غادي نمشيوا لكينيا ونقدموا ونشرفوا البلاد”.
وشدد الوداني على أن الفريق واع بالمسؤولية الملقاة على عاتقه، مذكراً بأن المغرب فاز بهذه البطولة مرتين من قبل: “كيفما تتعرفوا بلي هاد التظاهرة فزنا بها جوج د المرات، وحنا إن شاء الله واعيين بالمسؤولية ديالنا وغادي نمشيوا باش نفوزوا بهذا الكأس”.
من جهته، عبر اللاعب ربيع حريمات عن فخره بارتداء القميص الوطني، قائلاً: “المنتخب المغربي أي واحد تيبغي يمثله، وأنا فخور بتمثيل المنتخب الوطني”. وأضاف: “أي لاعب لشرف أنه يحمل القميص الوطني، يعني تقبلنا الدعوة بواحد الشرف، ماشي أي واحد يقدر يكون هنا”.
وأكد حريمات أن هدف الفريق واضح ومحدد: “احنا هنا باش نمثل البلاد ديالنا أحسن تمثيل، ولما لا إن شاء الله نمشيو نجيبوا الكأس باش نفرحوا الشعب المغربي”.
أما اللاعب لمليوي، فقد أكد أن الفريق يملك التجربة اللازمة للمنافسة بقوة، قائلاً: “بحكم التجربة اللي عندي وعند الدراري، أغلبية الدراري في المجموعة، احنا يعني المغرب ملي كتقول اسمه المغرب يعني خصك تمشي تجيب الكأس”.
وشدد لمليوي على أن المجموعة تملك ما يكفي من الخبرة: “حنا عندنا ما يكفي من التجربة باش نمشيو نمثلوا البلاد ديالنا أحسن تمثيل إن شاء الله، ونمشيو نجيبوا الكأس، هذا هو هذاشي علاش حنا مجموعين باش نجيبوا الكأس ماشي شي حاجة أخرى”.
وفي السياق نفسه، أشار اللاعب أمين صوان إلى الأجواء الإيجابية السائدة في المعسكر، مؤكداً: “الأجواء مزيانة بحكم أن كنعرفوا بعضياتنا، الدراري فحال كنلعبوا ضد بعضياتنا وكاين اللي معك في الفريق، كاين اللي ديجا لعبتي معه”.
وأكد صوان أن المجموعة لن تحتاج وقتاً طويلاً للانسجام: “المجموعة هنايا الأغلبية كيعرفوا بعضياتهم في البطولة الوطنية، ماغاديش ياخذوا بزاف الوقت باش ينسجموا مع بعضياتهم”. وختم قائلاً: “كيعرف الجميع حنايا عندنا جوج الألقاب ديال الشان، حنا غندخل عازمين باش نحققوا المبتغى اللي هو تحقيق اللقب الثالث وتشريف الراية المغربية”.
